Willemstad – Djaluna dia 11 di desèmber último tabata otro dia di húbilo na Renaissance Wind Creek Curaçao Resort, esaki na momentu ku a selebrá 15 aniversario di respektivamente 32 kolega ku ta suma 480 aña di servisio kombiná! Gran mayoria ta selebrá 15 aña laborando na Renaissance Wind Creek Curaçao Resort òf Wind Creek Carnival Casino. Tambe a selebrá 20 kolega ku a selebrá 5 aniversario i otro 9 kolega mas ku a selebrá 10 aniversario respektivamente, huntu ta sera 190 aña di servisio.

“Nos ta sumamente orguyoso di por selebrá e logro grandi aki. Ta un momentu di satisfakshon enorme pa nos organisashon. E kantidat di empleado ku ta kita ta visiblemente abou. Nos ta duna masha balor na lealtat, dedikashon i satisfakshon di tur empleado den nos organisashon. E 670 aña di servisio kombiná ta nifiká, ku nos empleadonan ta satisfecho ku nan ambiente di trabou, trato i benefisionan. Di nos parti ta asentuá tur balor humano i formashon profeshonal. Tur esakinan ta kuadra perfektamente ku e vishon i balornan di Wind Creek Hospitality. Nos ta un famia dediká na ekselensia den hospitalidat i turismo. Ta nos meta pa tur dia traha ku disiplina, dedikashon i amor pa ofresé un eksperensia inolvidabel na nos huéspetnan”, esaki di akuerdo ku sr. Angelo Martes, direktor di Rekurso Humano.

Renaissance Wind Creek Curaçao Resort i Wind Creek Carnival Casino Curaçao ta felisitá tur nos aniversarionan pa nan lealtat i dedikashon. Masha pabien!