Charles, kende a presentá su renunsia despues di akusashon nan.

PORT-AU-PRINCE – E representante permanente di Haiti pa ku e Organisashon di Estado nan Amerikano, Leon Charles, a presentá su renunsia na e kargo, despues di a keda poné komo sospechoso di asesinato di presidente Moise.

Charles a anunsiá su renunsia riba su kuenta di X, huntu ku un karta mandá pa e minister haitiano di Asuntu nan Eksterior i Culto, Jean Victor Geneus, pa di e forma aki tene kampo liber pa por defendé su mes di e akusashon nan den su kontra.

Den e karta, mandá pa e kabesante di diplomasia haitiano, fechá 21 di febrüari, Charles a informá e minister ku e lo presentá su renunsia despues di keda prosesá di manera inhustu i kalumnioso pa òrdu di un wes.

Tabata den ora nan di djaluna tras di lomba, ku a logra haña akseso na e informe hudisial di e wes Walther Voltaire, den kua e ta akusá Martine Moise i Claude Joseph di komplisidat i asosiashon kriminal pa kometé magnisidio den 2021.

Huntu ku nan, tambe ta akusá Leon Charles, antiguo hefe polisial, pa kargo nan di asesinato, poseshon i porte ilegal di arma, konspirashon kontra seguridat interno di estado i asosiashon pa kometé delitu.

Entre e 51 persona nan akusá, den total tin tambe 27 kolombiano i un haitiano estadounidense Christian Emmanuel Sanon, James Solage i Joseph Vincent, kende nan tabata kordinadó i hefe di seguridat di Moise.