WILLEMSTAD,—-Otro informashon ku Vigilante Farándula ta disponé di dje ta duna di konosé ku tin rumor nan fuerte ta sirkulá den kaya ku lo no bai dura masha ku gerente di grupo “Vise Versá” lo bai mesa ku gerente di agrupashon musikal “GENTZ TRE’CHIC” pa asina yega na un akuerdo pa loke ta trata temporada di Karnaval 2024.

Ta asina ku na momentu ku e informashon an kuestion a bira konosí serka di Vigilante Farándula,esaki mes ora a drenta den kontakto ku Lauchi ku ta kabesante di e grupo di Karnaval “Vise Versá”,pero su telefon tabata zona paga,esei a pone ku Vigilante Farándula a hasi su investigashon i a bin komprendé ku Lauchi no ta na Kòrsou na e momentu nan aki.

Den mes un rosea Vigilante Farándula a drenta den kontakto ku Archel Calister ku ta gerente mayó di agrupashon musikal “GENTZ TRE’CHIC” i a bisé di e informashon risibí,pero pa nada di mundu Archel no ker a duna ningun sorto di reakshon.

Esaki sigur ta loke ku Vigilante Farándula ta respetá. Mas aleu mester bisa ku Louchi mester aktua hopi lihé pa asina e por trese trankilidat pa loke ta trata e parti musikal pa ku su grupo di Karnaval. Paso e mester ta na altura ku tin mas kaiman na boka di riu,manera ku grandi nan ta bisa. No ta un sekreto ku agrupashon musikal “GENTZ TRE’CHIC” a bai algun aña ku grupo “Vise Versá” Karnaval i nan a hasi esaki eksitoso tambe.