AMSTERDAM—Awe mainta sientos di avionnan no por a baha na Schiphol pa algun ora pa motibu di mal tempu.

Tur vuelo entre 9’or pa 11’or mainta a keda anulá. Vuelonan por sali pero no por aterisá. No tabata knosí kuantu vuelo a keda anulá. Esaki ta depende di e planifikashon nobo di kompanianan di aviashon i kondishonnan di tempu aktual, segun Schiphol den un deklarashon. KLM a anulá 207 vuelo segun NH Nieuws. Ta trata di solamente vuelonan Oropeo. Pasaheronan ta haña fecha nobo pa vuelonan mas lat, segun KLM. EasyJet tambe ta spera anulashon pero no sa e impakto. Transavia no ta spera retrasonan ni anulashon. Schiphol ta bisa e situashon ta ferfelu pa pasaheronan i kompanianan di aviashon. Na airport di Rotterdam i Eindhoven tur vuelo ta sigui, segun nan boseronan. Awe tin kodigo hel pa algun ora den Hulanda. Ta spera bientunan fuerte di 100 kilometer te 120 kilometer pa ora.