Willemstad, — Djabièrnè 9 di yüni tras di lomba, Sekretario di estado di Salubridat Públiko hulandes Maarten van Ooijen a hasi un bishita na Klinika Capriles.
Huntu ku un delegashon di e ministerio di VWS, el a hiba kombersashon ku e tim di maneho di GGz Curaçao i a bishitá diferente departamentu. Un tema importante di e bishita tabata e importansia di ampliashon di sikiatria pa mucha i hóben na e islanan CAS/BES. E ròl di e pasado di sklabitut en relashon ku salubridat mental den e parti karibense di Reinu tambe tabata tópiko di kombersashon.