Van Huffelen ta biaha djabièrnè 21 di aprel bèk pa Hulanda.

WILLEMSTAD – E promé bishita di Sekretario di Estado Alexandra van Huffelen na islanan BES for di despues di elekshon di dia 15 di mart último, lo tuma lugá otro siman. Van Huffelen lo bishitá Sint Maarten tambe. E lo ta di bishita den Karibe durante di 16 te 21 di aprel.

E lo sera konosí ku Konsehonan Insular i e ‘Bestuurscolleges’ dje islanan. Na Sint Maarten e Sekretario di Estado lo bishitá e Minister Presidente i tambe e lo reuní ku e gobernadónan di Aruba, Kòrsou i Sint Maarten.

Boneiru

E bishita di trabou di Van Huffelen ta kuminsá djadumingu na Boneiru, kaminda e lo sera konosí ku tantu e bestuurscollege nobo komo e konseho insular nobo. Tambe e tin bishita na Regionaal Informatie en Expertise Centrum (RIEC) di Caribisch Nederland, Stichting Voedselbank Bonaire, Fundashon Cas Boneriano i agrikulturanan i empresanan den sektor agrario agènda. E lo bai wak e call center di Boneiru tambe ku mester mehorá servisio na pueblo. Aemas Van Huffelen lo duna apertura na un tayer di tres dia ku ta konsentrá riba mihó uso di fondonan oropeo.

Saba

E Sekretario di Estado lo biaha dia 18 di aprel pa Saba, pa ei tambe e bishitá e konseho insular i bestuurscollege resientemente instalá. Ademas e lo tin un enkuentro ku entre otro Saba Business Association i lo hiba un kòmbersashon di mesa rondó ku stakeholders, manera entre otro Saba University, e hòspital i komèrsio tokante e oportunidatnan ku digitalisashon por ofresé awó i den futuro.

Sint Eustatius

Despues di Saba e Sekretario di Estado lo biaha pa Sint Eustatius, kaminda e lo hiba kòmbersashonnan ku e bestuurscollege i e konseho insular nobo. Tambe e lo papia ku stakeholders tokante e retonan i oportunidatnan di digitalisashon, i ademas lo papia ku miembronan dje tim di e proyekto Roaming Animals i doñonan di kabritu.

Sint Maarten

Sekretario di Estado Van Huffelen ta finalisá su bishita di trabou na Sint Maarten. Aya e lo kòmbersá ku Promé Minister Silveria Jacobs, pa despues reuní ku e gobernadornan di Aruba, Kòrsou i Sint Maarten. Tin planiá pa e papia tambe ku entre otro Fiskal Mayó di Hustisia di Sint Maarten.