ROTTERDAM—Aki 10 aña (2033) sektor di kuido posiblemente lo tin skarsedat di entre 190.000 pa 195.000 trahadó.
Esaki segun un prognosis di minister demishonario di Kuido Conny Helder. E skarsedat ta oumentá despues di 2025, pasobra mas hende mester di kuido. Entretantu, trahadonan ta tuma retiro den kuido i e sektor no ta haña trahadonan nobo for di skolnan. Prinsipalmente den kasnan di kuido e skarsedat ta mas. E sektor aki ya tin skarsedat di 14.000 trahadó. E kantidat aki lo subi posiblemente te 50.000 i kisas kasi 65.000. Den kuido n akas tin falta di 5000 trahado i aki 10 aña lo falta 27.000 personal. Den hospitalnan tambe e skarsedat lo oumentá di 5000 te 27.000. sindikato FNV Zorg & Welzijn ta atvertí ku den 2033 lo alkansá un kode pretu den hospitalnan. E sindikato ta puntra su mes kon kuido por mantene un midi humano ku e skarsedatnan. Un di e solushonnan ta pa hasi e trabou den kuido mas atraktivo ku mihó kondishonnan laboral i ménos preshon di trabou.