Willemstad—– E akusado di 38 aña a trata di tur manera pa mustra ku e no  konosé e damita di 12 aña i ku nunka e no a tene relashon seksual  kuné pero Fiskal a bini ku pruebanan ku  si tabata mustra nèt kontrali.

E damita di 12 aña despues ku su mama a bai Polis i entrega denunsia a splika detayadamente kon tur kos a tuma lugá. E damita asta a bai na Casa Linda  Resort ántes yama Chino unda e la mustra e kamber ku nan a bai drumi den dje. Pero pa loke ta trata di e hòmber e  damita a splika ku e no  sa masha di dje  pero si ku esaki tin e apodo di papirast 12 riba instagram i ku e ta biba den e bario di Bonam den un kas grandi. Tabata e ruman hòmber di e víktima ku a bai buska riba Facebook i a bin topa potrèt bou di e nòmber papirast 12 kual e damita víktima mesora a rekonosé komo esun ku a  bin busk’é i a bai e lugá na Veeris kuné na unda e la tene relashon seksual kuné. Asina e mama a bai Polis ku e potrèt pa despues a logra di detené e akusado pa aktonan inmoral ku un kriatura di 12 aña.  E akusado mes  durante di su 6 interogashon a para riba ku e no sa di nada i tampoko no ta disponé di niun vehíkulo di e marka Suzuki Swift kolo shinishi manera e damita tabata bisa ku nan a bai den dje . E hòmber a bisa ku e no konosé e damita mes.  Riba esaki  e investigadornan a bai puntra mama di e akusado kual a splika ku su yu tin  dos vehíkulo kual ta trata di un SUV i un suzuki  swift shinishi ku stürwil kontrali. E mama a sigui splika ku su  yu mester a duna su frei e vehíkulo . A bai tende e frei di e akusado kual a splika ku enbèrdat  e la haña un suzuki swift  kolo shinishi ku stürwil kontrali fia serka su frei i kual asta esaki a bisé pa keda kuné pa asina e por  hasi su diligensianan ku esaki debí ku e tabata sperando un yu.    Fiskal a splika ku a sigui e telefon di e akusado via di e antène nan i por a tuma nota ku e telefon di e akusado e dia ei tabata den aria d Bonam pa despues a bai den aria di Cubaweg i na final a keda nèt 1 ora den aria di Veeris pa despues a kuminsá move bek bai den aria di Brievengat Bonam kual ta netamente e ruta ku mester a wòrdu kore e dia ei.  Riba esaki e akusado a deklará ku su frei ta biba den e aria kual ta Juan Domingo i ku nan sa bai keda drumi den Veeris Resort pa despues nan bai kas. Fiskal mesora a mustra e akusado ku Veeris resort unda e la bai ku e damita ta keda basta leu for di Juan Domingo unda su frei ta biba. Tambe e mama di e damita a bai den e telefon di e tio i a bin topa ku app nan ku e hòmber tabatin ku e yu. E mama a kopia esakinan i hiba nan polis. Ora a konfiská e telefon di e hòmber a bin topa ku e mesun kombersashon den  e telefon di e akusado. Pa ku esaki e akusado a deklará  ku nan a hack su telefon i asta a bisa ku un amigu mester a fia su telefon.   Segun Fiskal si wak e edat di e akusado i e víktima ta un diferensia basta grandi. Den e kaso aki ta trata di un hòmber ku tin 13 yu ku diferente mama i ku tambe ta karga e malesa di HIV pero si ta bebe su remedinan  i ta kuida su kurpa.  Den su último palabra e hòmber a bisa ku mi tabata kier a bira arkitekto pero mi mama a kitami for di skol pa   mi por a wak mi rumannan na kas . Mi ta haña ku mi ta bon den pintamentu. Ni mi pareha i mi yunan no tin e malesa di HIV.  Na e momento nan aki mi sanger ta limpi i mi ta usando mi remedinan.