Shalick Clement ta atvertí doñonan di boto i Seadoo ku nan mester tin dokumentonan bálido huntu ku nan riba boto.

Willemstad,– Tambe tabata presente durante di e relato di Dia ku gobièrnu a tene ayera, e bosero di Warda Kosta kende ta señora Shalick Clement kende a splika ku ta tur aña di nobo Warda Kosta ta koperando entre otro ku CITRO i pa e aña aki tambe nan lo tei pa hasi e kòntròl riba laman.

E ta sigui bisa ku Warda Costa ta informá e doñonan di boto i Seadoo ku nan mester tin nan dokumentonan bálido huntu ku nan riba boto. Mester tin tambe sufisiente vèst di salba bida abordo a base di e pèrmit di e boto. E ta agregá ku no por bai ku hende di mas riba e boto. Ademas mester tin artefaktonan di señal manera flùit abordo di manera ku si presentá un situashon di peliger bo por avisá esun mas serka di bo.

Warda Costa ta duna konseho semper na doñonan di boto nan pa tene nan boto semper den bon estado i ta konsehá pa hasi servisio i mantenshon semper na bo boto i Seadoo. E ta bisa pa wak pa semper bo tin entre otro ekiponan di EHBO. Evitá ku bo boto ta daña na kaminda i surgi un situashon peligroso. Na momentu ku tòg un situashon di peliger presentá, pero yama semper na e number  913 òf tambe por App  na e number 5109913