DEN HAAG—Shete aktivista di Extinction Rebellion a haña kastigu di trabou pa violashon di orden públiko. Sinku di nan a haña 30 ora di trabou.

E dos otronan ta haña kastigu di trabou di 60 ora. E kastigu ta menos ku loke fiskal a pidi. Fiskal a pidi kastigunan di 60 pa 90 ora di kastigu. E aktivistanan di klima a hasi yamada riba media sosial pa hendenan bin partisipá na e blokeo di A12 di e organisashon Extinction Rebellion dia 28 yanüari. E akshon tabata peligroso i kastigabel segun OM. OM a bisa ku ta trata di instigashon. Un total di 8 aktivista mester a presentá den korte. Un sospechoso a keda apsolve. Munisipio di Den Haag tambe a entregá un petishon pa daño di 9053 euro pasobra dos sospechoso a spuit tekstonan riba muraya di tunel. Korte a bai di akuerdo ku e suma. Aktor Sieger Sloot mester paga parti di e suma. Extinction lo apela e kaso. E veredikto ta mina estado di demokrasia, segun abogado Jebbink. E grupo di klima ainda ta kere den blokeo di un kaminda pa un manifestashon pasifiko ta permiti pa Hof Oropeo pa Derechonan Humano.