HEERHUGOWAARD—Reshershi na Friesland a detené shete hòmber djárason mainta na Zaandam i Heerhugowaard relashoná ku produkshon di droga.

Den un edifisio na Heerhugowaard polis a deskubrí un laboratorio di droga. Den diferente entrada a polis a konfiská droga, arma i vehikulonan. E investigashon di reshershi riba produkshon di droga a start despues di un melding anonimo. Den e investigashon a haña pistanan di droga den e edifisio na Oudehaske den ougustus 2023. Tabatin indikashon di kultivashon grandi di mariwana den e edifisio. Mas investigashon a kondusi seguidamente na 5 sospechoso ku a keda detené djarason. Ta trata di un hòmber (44) di Zaandam i kuater di Heerhugowaard (24, 25, 31, 51). Banda di esaki a detené dos hòmber den e lab di droga sin adres fihó. Durante e investigashon agentenan a dal den e lab di droga kaminda a haña material pa produkshon di droga sintetiko pero tambe produkshon di otro droga. Polis ta sospechá ku tabatin produkshon di droga den e edifisio. Servisio di desmantelashon LFO ta investigando e lokalidat i lo desmantelá e laboratorio. E investigashon di LFO mester duna mas klaridat riba e tipo di droga ku tabata produsi. Polis ta hasi mas investigashon ken ta responsabel pa e produkshon na e lokalidat. Despues di e detenshonnan a tene entrada den kasnan di sospechosonan i diferente otro edifisio kaminda a konfiská plaka kesh, tambe kuentanan bankario, arma, droga, selularnan i informashon digital. Mésora alkalde Poorter a sera e edifisio na Heerhugowaard i un kas pa 6 luna.