Rooseveltweg– Djamars 2 di yanüari 2024 alrededor di 00.20’or, Sentral di Polis a risibí informashon di un
aksidente ku a tuma lugá riba F.D. Rooseveltweg.

Na yegada di e unidat el a topa un outo di famia i un bròmer ku tabata enbolbí den e
aksidente. For di investigashon preliminar a sali na kla ku e outo ku tabata kore riba F.D. Rooseveltweg
dado momento a bai lora bèk riba e mesun kaminda. E bròmer ku tabata aserkando a dal
kontra di e outo aki. Shofùr di e bròmer a sufri sla serio na su pianan i a keda transportá ku ambulans pa C.M.C. pa tratamentu médiko.