RIO CANARIO  Un aksidente frontal entre di dos vehíkulo a tuma lugá na Winston Churchillweg dilanti Warda di Polis. Den oranan di anochi Polisnan a keda dirigí pa Winston Churchillweg nèt dilanti di Warda di Polis pa un aksidente entre di dos vehíkulo.

Na yegada di Polis a bin topa ku dos vehíkulo ku basta daño material. For di un investigashon preliminar realisá na e sitio a bin resultá ku e Suv marka Ford ku tabata koriendo riba e kaya ariba menshoná den direkshon pa bai Sta Maria a bai pasa un fila di outo.

Na momentu ku e la bai pasa un fila di outo e la bin topa ku un vehíkulo ku tabata biniendo for di e direkshon kontrali unda ku despues e la bai kita pa esaki dal kontra di e outo marka Chrysler ku tambe tabata koriendo riba e kaya ariba menshoná. Despues di e aksidente e shofùr di e suv marka Ford ku a okashoná e aksidente a hui for di e sitio. No tabatin daño personal pero si basta daño material. Polis a haña nan ta konfiská e suv. Forensys a keda enkargá ku e aksidente.