Por a mira solamente parti di e bahul habri den e “binnenwater”.

Willemstad— Polis den oranan di mainta trempan mester a bai Baya Beach na unda a deskubrí un vehíkulo bou di awa di kual solamente e dak i parti di e bahul tabata sali.

Despues ku Polis a haña e informashon mesora a bai Baya Beach na unda enbèrdat a bin señalá un vehíkulo kolo shinishi den e asina yamá “ Binnenwater”. Na e sitio no tabatin niun persona ku a indiká ku e vehíkulo por ta pertenesé na nan. Mesora  Polis a pidi asistensia di e personal di warda kosta pa asina por a baha den e awa pa wak si  por tin persona ainda den e vehíkulo. No a dura masha ku un siudadano a presentá i a splika polis ku te tabata shofùr di e vehíkulo pero a bin pega soño i e vehíkulo a bai resultá kuné den e plas di awa. Tabata na momento ku e la kuminsá sinti ku awa tabata muhé e lo mester a spièrta i a logra di sali for di e vehíkulo i yega tera i a bai buska yudansa. E personal di warda kosta a logra di baha den e plas di awa grandi pa asina por a mara strep na e vehíkulo pa por a trèk esaki pone na tera firme. Ku un kran a transportá e vehíkulo for di e sitio.