Javier Silvania

Otrobanda- E siman aki por spera problema na Curaçao Medical Center. Aparte ku e instituto ta práktikamente bankarota, problemanan ku sindikato CBV i minister interino di Salubridat Públiko ta spera di eskala pa motibunan di desakuerdo.

Durante 1 aña, gerensha di CMC huntu ku empleadonan i vakbont tabata trahando riba un plan di restrukturashon na prinsipalmente e departamento di operashon, OK. Segun un karta ku gerensia a manda pa minister di Salubridat Públiko, tin entendé ku personal di OK ta mal kontentu. Pero segun gerensia, esaki no por pasobra nan ta trahando riba e proseso di restrukturashon na e kompleho di OK, kasi 1 aña. Tabatin workshops organisá i hasta un bríndis a tuma lugá riba 18 di ougùstùs 2022.

E sindikato CBV, no ta kontentu kon e kosnan ta bayendo. Riba 14 dia aprel, gerensia a tene un presentashon na e personal i algun di nan mal kontentu a bai CBV. A surgi dos kombersashon ku CBV, riba 17 di 18 aprel miéntras riba 19 di aprel, CBV a súplika pa papia ku minister. Awe den transkurso di dia, minister Javier Silvania (GMN) a plania un reunion ku gerensha di CMC, representantenan di CBV, Inspektor di Salubridat Públiko i personal di CMC. E minister a anunsiá e reunion tambe riba su retnan sosial.

Pero gerensha di CMC ta protestando pa e reunion tuma lugá na CMC. Segun gerensha e eskala ta demasiado grandi pa tene e reunion lokual ta stroba pashèntnan di e instituto. CMC a mustra den un karta na minister balides di e dekreto pa institutonan di kuido. E edifisio di CMC na Otrobanda no ta adekuá pa tene reunion i ta destiná pa investigashon i kuido médiko. Tersera parti por drenta e edifisio na momentunan adekuá i tambe si nan ta di servisio na e proseso primario di kuido, por ehèmpel, provedronan di material ets.

Gerensha a manda un karta pa minister Silvania pa para su evento. E no ta kuadra ku meta dje edifisio ni tampoko e instituto, segun Hunta di Maneho na CMC. CMC no ta mira e interes tampoko di trata e reunion delikado den públiko, mirando ku ta trata di informashon interno di personal i di e organisashon. Na ke mira un reunion será pa públiko.