DEN HAAG—Despues di dos siman partidonan PVV, VVD, NSC i BBB a tene kombersashonnan atrobe riba formashon di gabinete nobo.

E ta bira un siman krusial den kua partidonan mester yega na akuerdo den liñanan grandi. A subi e preshon konsientemente, pa partidonan tuma desishon. Finansas ta e opstakulo mas difisíl. Si tur kos bai bon e siman aki, dia 15 mei e akuerdo mester ta riba mesa, pa gabinete forma i prosesa e akuerdo den un programa gobernashon, segun informadónan Zwol i Dijkgraaf. Ofisina di Planifikashon sentral CPB a kalkulá den ultimo dos siman e plannan di partidonan den formashon. Ta trata di medidanan ku a keda diskutí pa lidernan politiko i nan konseheronan, bou di guia di e informadónan. E kalkulashonnan di CPB ta kla. Informadó Zwol ta spera e siman aki e diskushonnan nesesario entre partidonan negoshadó. Mester buska koherensia den e akuerdo. Informadó Dijkgraaf a inidiká ku e konfiansa entre negoshadonan a krese den ultimo simannan.