DEN HAAG—Un siman prome ku elekshonnan e panorama den sondeo Peilingwijzer ta keda igual: tres partido na kabes (VVD, NSC, Groenlinks-PvdA).

E tres partidonan tin e siguiente kantidat di asientonan segun e sondeo: VVD (26-30), NSC (24-28) i Groenlinks-PvdA (21-25). Partido PVV no ta keda atras ku 17-21 asiento. Tur otro partido tin menos ku 10 asiento den e sondeo, segun Ipsos tambe. Ningun partido ta haÑa mas ku 30 asiento segun e sondeo. E historia politiko resien ta siña ku den ultimo siman prome ku elekshonnan ainda hopi kos por kambia. Segun e ultimo investigashonnan di tur dos buro 40% di votadonan ta sigur di nan voto. Remarkabel ta ku e partido di Omtzigt NSC a pèrde 4 asiento den e sondeo. E partido mas grandi BBB den elekshonnan provinsial di mart a bin ta pèrde tereno for di komienso di e kampaña i ta riba 7-11 asiento. Posiblemente votadonan ta haña ku van der Plas ta swak den debatenan. D66 tambe a kai na nivel di 7-9 asiento e otro partidonan di koalishon tambe ta mal para den sondeo. Ni CDA ni ChristenUnie no ta pasa 3-5 asiento. Pa CDA ta un perdida di 11 kompará ku e 15 ku nan tin den Tweede Kamer.