Reunion: Sosionan Uní, un grupo di sosio asosiá na ACU ke un reunion urgente.

Otrobanda—Sosionan Uní, un grupo di sosio asosia na ACU ke un reunion urgente. Nan ta opiná ku mester bini kambio den maneho na e instituto.

Den un invitashon nan ta urgi sosionan di ACU pa firma e karta di petishon online pa pidi bestür organisá un reunion general (ALV) inmediatamente. Via di un scan por hasi esaki. Por scan e QR code òf subi e siguiente wepsait: www.acu-alv.com.

Sosionan mester ta bon konsiente di e bentahanan enorme ku nan tin ora logra e petishon. Nan ta atkerí kòntròl di e reunion general i tambe e libertat pa por disidí ta kua ta puntonan di urgensha i tambe den kua sekuensha esakinan mester wòrdu trata riba agènda di ALV. Dor di nò firma e petishon so sosionan ta skoho pa wòrdú manipula un biaha mas dor di bestür. Segun e sosionan, bestür ta restringí bo “spreektijd”, esta bo derecho pa abo por papia liber den ALV. Un otro bentaha ta ku sosionan por eksigí pa tene ALV den un sala adekuá, manera nos konosé e ouditorio na WTC kaminda tur sosionan por sinta huntu den un sala. Enbes den Aula di Universidat Moses Da Costa Gomez ku ta muchu chikí, kaminda ta repartí sosionan den diferente lokal di skol pa asina bestür ta práktika e maneho di ‘dividí i goberná’ durante di reunion general. Asina tin mas bentaha ku por wòrdu menshoná.