Terrel Thomas.

Brievengat—Anke ku te na 2025, Kòrsou to enfrentá St. Lucia riba su trayekto pa Kopa Mundial, e selekshon di e isla den Karibe por forsa bastante problema den Grup C.

Kòrsou ta huntu ku Haiti, St. Lucia, Aruba i Barbados den grupo. E grupo ta konsiderá unu di esnan mas suak den Concacaf ku Barbados den Liga C di Nations League i Aruba subiendo net for di Liga C i Kòrsou i Haiti degradando di A pa Liga B. Riba papel, e selekshon di Kòrsou te ainda ta mihó, pero tòg no a faborito.

Ekspertonan di futbòl di Karibe ta siguiendo St Lucaia di aserka. Komentaristanan di Sport Max, e kanal di deporte mas grandi den Karibe ta pensa ku St Lucia por trese sorpresa. Te ku aña pasá, e ekipo  tabata komandando tabla di posishon den Grupo B Liga B di Nations huntu ku e aktual gigante Guadeloupe su tras. Por poko, nan a logra subi Liga A, sino tabata pa un derota sorpresivo kontra di St. Maarten.  E selekshon a logra hasta yega na play offnan preliminar di Gold Cup, unda nan a pèrdè kontra di Martinik 3-1. Mester tene kuenta ku Kòrsou tambe a pèrdè den mesun play off kontra di St. Kitts. St. Lucia ta un selekshon ku a bini ta krese último dos aña i mester tene kuenta ku nan. Te ku dos aña pasá, ainda nan tabata hungando den Liga C di Nations, pero foi dia nan a subi Liga B, ta bon hungadó su ta biniendo for di Oropa i region Concacaf. Mayoria bon hungadó di futbòl na St Lucia ta buska un mihó kompetensha na Trinidad i na Jamaica.

Nan defensa ta e parti mas fuerte. Nan tin un kombinashon di hungadó ku ta hunga na Oropa den liganan menor profeshonal na Inglatera. Dos hungadó klave di nan ta hungando full profeshonal den Karibe, Jamacia Premier League. Nan prinsipal hombernan den defensa ta e veterano Cheye Alexander (AFC Wimbledon), lateral derechi ku ta hungando su último rònt eliminatorio di mundial. Na otro banda di defensa lateral nan ta hunga ku otro hungadó den kampeonato na Costa Rica i Trinidad (Alajuelense/ W Connection)), Kurt Frederik. Den sentral nan tin Terrel Thomas (Wiggan Athletic) i Melvin Doxily (Jamaica Premier) ku tambe ta hungando full profeshonal na Jamaica. E konstelashon di defensa aki a tene Guadeloupe na sero gol. Guadeloupe a promove pa Liga A di Nations pa siguiente temporada.

Den bolante defensivo nan tin un pila i nan piesa prinsipal di éksito, Janoi Donacien (Ipswich Town). E veterano di 30 aña a inisiá su karera profeshonal den Aston Villa i relega despues den liganan di Eskosia pa bin resultá na Ipswich Town unda e ta riba fiansa aktualmente na Fleetwood Town. Otro banda di bolante den mesun sistema di Kòrsou (4-2-3-1) nan ta hunga Lester Joseph, hungadó di Portmore United na Trinidad.

Riba e dos alanan ofensivo nan ta hunga ku Rydel Stanislas ku tambe na hunga na Jamaica i na ala drechi JW McFarlane ku ta meresé un mihó liga ku Jamaica Premier Leauge. Nan liña ofensivo ta komandá pa Gregson President (Montego Bay United).

Por ultimo, Piton Boyz di St Lucia tin kisas unu di e mihó puntanan delantero den Concacaf. Caniggia Elva, ta e formadó di peliger pa e selekshon i tin e abilidat di krea burakunan peligroso unda via su pasenan asertá i ta krea atakenan di sorpresa riba “counter”.

Riba 6 di Yüni 2025, e ekipo ta bolbe bishita Kòrsou, despues di a gana di St Maarten den stadion Jean Fransisca pa e torneo di Natios League na 2023. E biaha aki, na 2025 nan ta hunga den Ergilio Hato, kontra di un kontrikante muchu mas gigante ku St. Maarten. Mester tene kuenta ku e selekshon aki ku na 2023 a gana di St Kitts and Nevis, selekshon ku a gana di Kòrsou den klasifikashon pa Gold Cup. _{Skibi pa Lilo Sulvaran.}