WILLEMSTAD—–Sindikato STSK ta felisitá tur dosente pa e logro di promoshon dosente A PA B ku lo wòrdu paga fin di luna di mart aki, despues di sigur 17 aña warda ta hustu pa awor si risibí porfin lokual ku dosentenan tin derechi riba dje, pabien, ku a pas’é.

Adelanto di dosente A pa Dosente B aki a krea un trato inhustu pa e personal di sosten, e personal no dosente den edukashon aki na Kòrsou pa anos a keda neglishá I maltratá, nos komo representante di e trahadó di sosten a para ketu riba e trato inhustu aki, nos ta sita, na aña 2009 a kambia e personal di sosten di struktura salarial di trahadó empleado públiko, esta ámtenar i hinka nan den e struktura salarial di enseñansa sin ku a sòru pa un sistema di por krese den nan struktura salarial, sindikato Sitek huntu ku gobièrnu di e tempu ei no a sòru pa esaki, nos di sindikato STSK ta bezig ta analisando e situashon aki, buskando tur dokumentonan nesesario I lei nan pa nos por aserka gobièrnu ku un plan di akshon konkreto, pa asina garantisá ,desaroyo di e personanan aki tambe, no por tin deskriminashon den struktura salarial I den e mes un struktura laboral.

Sigur mester tin un a adelanto pa e grupo di trahadónan aki tambe pa asina garantisá ku e trahadó ta motivá I por funshoná I duna mas mihó di su parti, na benefisio di nos yunan ku ta bini skol pa tuma formashon. E aspekto aki ta hopi importante pa wòrdu regla mas pronto posibel mirando ku e ta influensia e sistema di spar pa penshun di e grupo aki. Fin.