STA MARIA,– Den aula di Universidat di Kòrsou(UoC) Dr Francis de Lanoy ta splika e importansha di e beka emití dor di reino Hulandes.

Dr Francis De Lanoy, rèktòr magnificus di UoC,a splika ku e ta satisfecho ku e promé studiantenan na Kòrsou di diferente skol a risibí e promé bekanan di reino. Ku e beka aki, studiantenan lo por sigui un stazje na otro paisnan manera Hulanda, Aruba i Sint Maarten.

De Lanoy a habri su splikashon na un grupo di studiante e importansha pa sigui lucha i bai dilanti komo akadémiko. Nos ta notando ku universidatnan Hulandes ta konsiderá e studiante YDK sea komo un studiante internashonal òf komo un studiante Hulandes. Yunan di tera no ta ningun di dos debí ku e trayekto ku studiantenan internashonal no ta korekto pa e studiantenan di Kòrsou, pero e guia ku studiantenan Hulandes ta risibí na universidatnan ta muchu tiki pa e studiante di Kòrsou. P’esei e beka di reino Hulandes ta importante. E beka lo sòru ku e studiante por kore entre otro un stazje na Hulanda i asina orientá na e pais promé ku komprometé pa sigui un estudio na e pais.

Un grupo di studiante repartí entre diferente skol a risibí nan beka den aula di Universidat di Kòrsou. Minister di enseñansa, SIthree van Heydoorn, tambe tabata presente i a splika ku e beka aki ta duna studiantenan e oportunidat pa habri nan bista i apliká nan konosementu di eksterior riba nos isla na momentu ku nan regresá.

Durante e evento un studiante di Maris Stella SBO tambe a splika konbin el a apliká pa e beka. Segun e hóben Keilan Isidora, pa su estudio aktual e mester kore un stazje di 6 luna. Komo ku Isidora tin interes pa sigui ku un estudio na Hulanda, e stazje via di e beka aki ta nèt un bon preparashon. Mesora el a apliká i despues di a entregá vários rekisito, e hóben a wòrdu selektá pa kore un stazje na Hulanda na e promé semèster di 2024-2025. Tambe e hóben e gradisí tur hende ku a yud’é i a hasi e beka aki posibel.

Un grupo di studiante di UoC a risibí beka di reino. E beka lo duna e studiante e posibilidat pa kore stazje riba diferente pais di reino Hulandes. Segun e minister di enseñansa, e beka aki ta importante pa studiantenan por habri nan bista i eksperensha profeshonal i pa bini Kòrsou bèk ku e eksperensha aki. 72 studiante a risibí e beka di reino i awor den e promé semèster di aña eskolar 2024-2025.

Studiante di SBO Maris Stella a splika ku pa su estudio e mester di kore un stazje di 6 luna. Komo ku e hóben tin interes pa kore sigui ku un estudio na Hulanda, pues un stazje na Hulanda ta nèt bon. Mesora el a apliká i despues di a entregá vários rekisito, e hóben a wòrdu selektá pa kore un stazje na Hulanda na e promé semèsternan di 2024-2025. Tambe e hóben e gradisí tur hende ku a yud’é i a hasi e beka aki posibel.