Segun minister Larmonie Cecilia si ta papia di un persona ku edat pa vota, bo ta papia di un persona sufisiente madurá pa por tin un entrada konforme e lei.

Willemstad,– Minister Cecilia ta splika ku Gabinete Pisas II su maneho ta pa un gobièrnu di pueblo, ku pueblo i pa pueblo paso ta pueblo su bùrt. E ta bisa ku gran kantidat di trahadónan ku ta kobra sueldo mínimo, tambe ta komunidat di Kòrsou.

E ta sigui bisa ku un banda bo ta mira ku tin diskushonnan  andando pa bo pasa e lei di normering topinkomen, pues bo ta mira ku tin un grupo te aya ariba i un grupo te aya bou, minister ta bisa ku ki ora ku papia di trèk e grupo abou bin ariba kuné pa nivelá, bo ta nota mesora ku ta bin diskushon nan den komunidat, E ta bisa ku komo mandatario, e ta sigui traha, paso ta esei ta nan meta komo Gabinete Pisas II.

Sueldo mínimo Hubenil
Minister ta bisa ku segun e tin entendé tin un konsepto di lei ta andando pa kita sueldo mínimo hubenil di manera ku ta keda solamente un sueldo mínimo, paso si ta papia di un persona ku edat pa vota, bo ta papia di un persona sufisiente madurá pa por tin un entrada konforme e lei.

“Pues ta trahando riba esaki tambe pa e keda kla den 2023. Na e momentunan aki e hóben di 16 aña tin derecho riba un sueldo mínimo. Di 16 pa 17 aña e ta haña 65% di sueldo mínimo, pues 6.96 pa ora.

Esun di 18 aña ta haña 75% di e sueldo mínimo kual ta 8,03 florin. Esun di 19 aña ta haña 85% kual ta 9,10 pa ora i esun di 20 aña ta kobra 90% kual ta 9,63 pa ora.

Esaki ta nifiká segun minister Larmonie Ceilia ku ta sigui riba e ruta ku nos a kuminsá i ya kaba kier diskutí for di e diskushonnan ku ta pasa den dje tur ora, ora ta papia di oumento di sueldo mínimo. E minister a bisa ku ta papiando ku e sektornan pa bini ku un salario ku e sektor ta mará a dje di manera ku esun ku bai traha sa na kiko e ta mará. Tambe e ta yuda pa un hende no kuminsá traha ku sueldo mínimo i baha ku penshon ku e mesun sueldo mínimo.