AMSTERDAM—Ridouan Taghi lo hiba su propio defensa di e proseso di likidashon Marengo temporalmente.

Asina Taghi a konfirmá den un karta na korte segun abogado Horst ku ta representa su interesnan den kuadro di su detenshon, pues no e kaso mes. Pa e proseso di likidashon Taghi no tin abogado despues ku abogado Weski a keda detené luna pasá. Taghi kier representashon i ta buskando un abogado, segun Van der Horst. Te ora haña un abogado, Taghi obligatoriamente lo hiba su propio defensa. Taghi a bisa korte ku e lo mantene tur loke Weski a argumenta. OM a pidi bida largu kontra Taghi pa entre otro duna orden pa varios likidashon. Tur abogado den e proseso amplio a bisa ku nan klientenan ta inosente. E veredikto ta plania pa 20 oktober. En prinsipio sospechosonan mes por hiba nan defensa pero korte por tuma desishon pa apunta un abogado. No ta kla si korte di Amsterdam ta bai hasi esaki. Abogado Weski a keda detené dia 21 aprel riba sospecho di partisipashon na un organisashon kriminal ku ta laba plaka i trafika droga internashonalmente. E ta den limitashon i su detenshon a keda prolong ku 30 dia.