E temblor a keda registrá na masoménos 10 kilometer di profundidat.

KINGSTON – Un temblor di magnitut 5.4 a keda registrá den oranan di ayera na 29 kilometer di e siudat di New Kingston, na nortost di e isla di Jamaica. Esaki segun reporte nan di e Sentro di Temblornan Euromediteraneo.

E movementu aki a keda produsí na 10.57, na un profundidat di 10 kilometer i a keda sintí den nashonnan serka manera entre otro Cuba, Bahamas i Haiti.

Aunke ku outoridatnan hamaikino no a ofresé un reporte ofisial di dañonan, e kongresista Robert Miller, a publiká riba su retnan sosial un video, den kua ta mustra merkansia na suela den un supermerkado, ku aparentemente lo a kai komo konsekuensia di e temblor.

Den e mensahe aki, Miller a kalifiká e evento komo e temblor mas fuerte ku a keda sintí den henter su bida i inkluso a hasi e pregunta, na su siguidó nan si esaki nan tambe a sinti meskos kuné.

Mas aleu ainda no a duna masha informashon relashoná ku dañonan material òf personal ku e temblor aki por a laga atras.