DEN HAAG—E asina yamá kuido di rekuperashon paramediko multidisiplinario pa pashentnan ku longcovid lo no ta den pakete mas entrante 1 yüli.

E instituto di Kuido a determiná ku e kombinashon di terapia no ta duna resultado efektivo. Gruponan ku ta sigui e tratamentunan i gruponan ku no ta sigui e tratamentunan, tin mesun resultado. Pa hendenan ku a start e tratamentu kaba tin un areglo di transishon te ku 1 yanuari 2025. Otro trayektonan separa si ta keda den pakete manera fisioterapia of otro paramedikonan. E rekuperashon paramediko multidisiplinario ta trata di un pakete di kuido konsistiendo di un kombinashon di fisioterapia, logopedia, dietista i ergoterapia. El a keda aproba den 2020 riba kondishon den e pakete basiko pasobra tur hende tabata di akuerdo ku mester a hasi algu ku e kehonan severo di corona.