Konseho di Konsulta a trese diferente rekomendashon kon pa kòrta den tempu di espera durante kompra di kas sosial.

Willemstad, — Ta spera ku gobièrnu lo pone lugánan disponibel pa konstrukshon di kasnan pagabel i di kalidat. Konseho di Konsulta a presentá diferente opshon na VVRP ya komo no ta haña ku VVRP ta konsiderá e otro opshonnan ku tin.

Segun ministerio di VVRP, mas lugánan disponibel lo forma un fundeshi pa sigui baha e lista di espera haltu ku tin pa ku tereno di gobièrnu pa realisá mas konstrukshon di kasnan i kasnan sosial. Pero segun Konseho di Konsulta, VVRP no ta konsiderá otro posibilidatnan ku por yuda solushoná e desbentaha relativo na e asuntu aki kual ta e lista di espera. Konseho di Konsulta ta bisa ku mester profundisá mas den e maneho den e lista di espera grandi ku tin pa tereno di gobièrnu. Di e moda aki por bini ku otro solushonnan ku ta mas alkansabel.

Konseho di Konsulta ta menshoná algun opshon ku por ser implementá di un manera integral pa asina huntu por logra hasi mas lugánan disponibel pa konstrukshon di kas:  

• Mester hasi sitionan pa konstrukshon di kas disponibel dor di identifiká algun sitio i liberá fondo nan. Di e manera aki por hasi e invertimentu nesesario den konstrukshon i prepará e tereno pa bibienda.
• Mester bini ku un trayekto di benta di kas di FKP mas lihé pa asina por invertí fondo nan di esaki den konstrukshon di kas nobo.
• Mester bini ku un trayekto den kual lo konstruí mas kas sosial pero ku lo wòrdu bendé mas lihé na e habitantenan. Esaki ta un opshon ku ta basá riba modèl ‘Colombia’. E opshon aki ta duna e opshon pa krea fondo ku lo por wòrdu invertí den konstrukshon di kasnan nobo.
• Invertí aktivamente den huntu di bienes ku no a wòrdu parti ainda i ku lo trese rendement positivo pa gobièrnu. Esaki nifiká ku pa kada kaso, lo kontrolá promé si ta posibel pa liberá sufisiente tereno, relativo na e fondo nan ku mester wòrdu invertí den e plan.

E konsepto di desaroyo den un área determiná. Aktualmente, a start cu e promé proyekto piloto pa e tereno di Rif. Un resultado positivo lo nifiká ku por realisá mas ku 1000 unidat di bibienda. Kual ta invershonnan ku gobièrnu lo por gana bèk.

Fasilitá desaroyonan privá den e trayektonan di reestructurashon di EOP. Den e diferente trayektonan tin inkluí programa di konstrukshon di kasnan i tambe konstrukshon di kasnan sosial. Esaki ta nifiká cu tambe for di inisiativanan privá ta brindá un aporte na e necesidat di bivienda pa e diferente grupo di poblashon.