WILLEMSTAD ——- Relashoná ku un kaso di ladronisia di un pikòp ku a tuma lugá dia 12 di desèmber último den área di Sto. Domingoweg, polis a hasi un detenshon.

Djamars 26 di desèmber 2023 alrededor di 01.30 polis a detené e hòmber M.T.A. di 23 aña di edat nasé na Kòrsou. Su detenshon a tuma lugá na un adrès na Sto. Domingoweg, despues ku Sentral di Polis a risibí notifikashon ku un kiebro a tuma lugá na e adrès. A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.