WILLEMSTAD – Minister Charles Cooper huntu ku Servisio pa Obra Públiko (OW) ta informá ku for di djárason 6 di desèmber lo kuminsá ku mantenshon di Weg naar Westpunt for di Santa Cruz na áltura di Hòfi Mango te ku Playa Lagun.

Riba Weg naar Westpunt for di Santa Cruz te na áltura di Hòfi Mango te ku Playa Lagun, lo pone ‘cat-eyes’, i marká e kaminda. E trabou aki lo tin un durashon di 1 siman. Lo hasi e mantenshon aki pa asina hasi e kaminda mas visibel.

Kontratista MNO-Vervat ta na enkargo di ehekushon di e trabou aki i lo sera e kaminda parsialmente. Durante ehekushon, habitantenan i negoshinan ku ta keda riba e kaya ariba menshoná por yega nan kas òf establesimentu normalmente. Pa otro outomobilistanan ku tin ku hasi uzo di e karetera aki, lo tin ruta alternativo guiá pa barínan oraño i bòrchinan ku ta indiká.