ROTTERDAM—Na Rotterdam un trahadó di supermerkado Jumbo a keda gravemente heridá den un atrako.

Segun e testigu e víktima a keda hinká pa dos hóben. E víktima di 59 aña a keda transportá pa hospital segun Rijnmond. E atrako a tuma lugá ayera mainta 6.45 ora e supermerkado Jumbo na Rotterdam-Zuid tabata será ainda. E dos sospechosonan a kuri drenta i a pidi plaka. Aki nan a hinka e trahadó segun polis. Seguidamente e doño di supermerkado a keda obligá bou di menasa di kuchú pa bai hiba e dos sospechosonan na Enk, un kilometer mas leu. El a keda den shòk. No ta konosí si e atrakadónan a bai ku plaka. Polis no a logra haña nan i ta pidi testigunan pa meldu ku imagen di kámara.