WILLEMSTAD,—-Tabata djadumingu tras di lomba despues di e resultado final pa loke ta trata e sertámen di “Miss Curaçao Teenager”,kaminda ku Aubrey America a bisa e públiko presente ku tin un sorpresa mas.
Tabata aki nan ku e la bai patras i bini bèk ku kuater premio grandi kaminda ku esaki nan ta mustra ku tur e kuater finalista nan ta bai forma parti di e grupo di ‘tiner ku ta hiba di nòmber “I Love Hip Hop and R&B”. Esaki sigur a kai den bon tera kaminda ku asta e públiko presente a bati man pa e bunita gesto di parti di e dos gerente nan di e grupo “I Love Hip Hop and R&B”, ku por sierto mester bisa ku ámbos persona esta Ricardo Correia i Athly Maria tabata presente.
Pues esaki ta nifiká ku otro aña den marcha di ‘tiner’ grupo “I Love Hip Hop and R&B” lo konta ku kuater beyesa ku lo bai ta ku nan. Por a mira un alegria den kara di e kuater finalista nan na momentu ku a keda anunsiá ku nan lo bai ta huntu ku e grupo di ‘tiner’ menshoná den marcha di ‘tiner parade’ 2024.