Willemstad – Komo parti di e Kliko Challenge, e studiantenan di skolnan di AGO SKAIH, Juan Pablo Duarte, St. Paulus, Joseph Civilis, i G.E.E Kroonschool a bai un ekskurshon.

E studiantenan por a haña inspirashon for di e eskurshon pa e diseño di nan kliko. I huntu ku nan dosentenan nan por a sinti manera un turista riba bo mes isla. Nan a disfrutá di e naturalesa fasinante, arkitektura, historia i arte di e isla.  E studiantenan a bishitá Hòfi Mango òf nan a kana den kayanan di Otrobanda ku un guia turístiko di Dundu Tours, òf nan a kana den e bario di Skálo bou di guia di artista Avantia Damberg. E último parti di e proyekto ta inkluí e pintamentu di un kliko. Ku esaki, e skolnan i studiantenan tin oportunidat pa gana un premio.

E Kliko Challenge ta un proyekto ku Passionistas a desaroyá i a risibí sosten finansiero di e Representashon di Hulanda na Willemstad, Fundashon Signaal Sosial, Kooyman Curacao, Murray Attorneys at Law, Kolektivo, Banko Sentral di Kòrsou i Sint Maarten, i ENNIA.