DEN HAAG—Tweede Kamer a aprobá envolvimentu di gabinete na e kumbre Oropeo di e siman aki.

Aki lidernan di paisnan miembro di Union Oropeo ta papia riba e guera entre Hamas i Israel. Den un debate bastante emoshonal ku premier demishonario Rutte ku a dura te den oranan di anochi, parlamentarionan a boga pa un sese di fuego. Huntu ku D66 i Groenlinks-PvdA diferente partido ta indika nan deseo ku nan kier mira un fin na uso di arma entre Israel i Hamas.

Tambe partidonan a entrega un moshon den kua ta inklui ku komisario di derecehonan humano di Nashonnan Uni a papia di violashon di derechi di guera internashonal di parti Israel. E partidonan kier pa duna kombustibel i awa na Gaza. Rutte a hasi opheshon kontra e moshon. No pa e meta, pero pa e frase ku ta bisa ku Israel a viola derecho di guera internashonal. Rutte no kier duna opinion riba e kuestion kompliká aki. Pa esaki mester di investigashon internashonal. Anteriormente den e debate el a bisa SP ku no ta na Hulanda pa duna un posishon riba e asuntu aki. Boga pa sese di fuego, pues stòp ku e bombardeonan, ta pone Hulanda den isolashon segun Rutte. Ne momentunan aki no ta alkansabel i tin muchu problema. Rutte ta kere ku paisnan di Union Oropeo lo yega na akuerdo riba asistensia humanitario. Defensornan den Tweede Kamer di ses di fuego kier pa kaba ku uso di arma entre Israel i Hamas. Otro partidonan ta papia di un pausa di guera of humanitario. Nan ta kontra un sese di fuego amplio pasobra esaki ta nifiká ku Israel no por usa arma kontra e akshonnan di terorismo di Hamas, tampoko pa libera rehennan of evita atakenan. Apesar ku nan ta usa diferente ekspreshon mayoria partido kier meskos: hasi asistensia humanitario pa siudadanonan di Gaza posibel.