Segun e detenidonan ku den barak Covid a kuminsá plama formalmente.

Willemstad— Detenidonan ku ta sera den barak  kier a trese padilanti ku tin vários kaso di kontagio na e momento nan aki den e barak.

Ya pa algun tempu a hasi un parti di barak e sitio pa asina detenidonan i òf sospechosonan ku wòrdu detené tin ku pasa nan 14 dia di karentena pa despues nan wòrdu trasladá pa Prizon mes. Algun detenidonan ku ta sera den Barak kier a trese padilanti ku últimamente ta manera e vírus di Corona a dominá barak. Vários ta e detenidonan ku a wòrdu kontagia ku e vírus di Corona i esaki ta trese kuné ku e otronan ku ta sera den Barak tambe ta kore e rísiko di wòrdu kontagia. Segun e detenidonan na numeroso okashon a trata di trese e punto aki padilanti serka esnan ku ta enkargá ku Barak pero no ta duna nan oido. Segun e detenidonan ku Barak ta kai dirèkt bou di Kuerpo Polisial i no Prizon pero esun na mando no kier ni skucha nan miéntras mas detenido ta sigui bira malu den e instituto.