Entre e víktimanan mortal tin un beibi di kuater luna.

SANTO DOMINGO – E eksploshon mortal ku a keda registrá na un panaderia di e lokalidat di San Cristobal, na ost di Santo Domingo, a laga vários víktima mortal atras.

Outoridat nan a organisá e evakuashon di e zona pa e temor di ku otro edifisio nan lo por derumbá. E kandela a propagá i pega un negoshi den serkania i tambe un tienda di muebel, kua tambe tabata den e área.

Te ainda no ta konosí ta kiko ta loke ku a provoká e eksploshon, pero e alkalde di San Cristobal, José Montas, a indiká ku tur esaki ta provoká aparentemente pa un di e negoshi nan ku a basha den otro. E eksploshon a keda produsí den un zona konosí komo merkado viejo, unda un multitut di persona ta kumpra fruta i paña di forma diario.

E víktima nan tabata un beibi di apénas kuater luna di bida, kende a muri pa troumatismo kraneal i dos adulto, kende nan su kurpa a sufri kemadura di masoménos 90%. E otro víktima nan mortal no a keda identifiká i inkluso te ainda no tin un sifra eksakto di morto òf herido nan. Vários persona a keda trasladá pa un hòspital di e kapital, Santo Domingo, entre nan shete pashènt ku tabatin kemadura nan na mas ku 40% di nan kurpa.