Mahaai unda e aksidente a tuma lugá.

Willemstad—  Sigur dos ambulans i tambe Polis mester a bai Mahaai pa un aksidente ku vários vehíkulo envolví i tambe persona nan leshoná.

https://fb.watch/kNVEeXhLUs/ (video)

Tabata den oranan di mainta ku a surgi un aksidente den e bario di Mahaai pa falta di preferensia. Tabata trata di un aksidente ku tabatin vários vehíkulo envolví pero entre nan tabatin dos ku a keda tras ku basta daño material i e okupantenan a sufri leshon. Ambulans ku a keda yama a presentá na e sitio unda e personal a saminá e víktimanan pa despues a transportá nan pa CMC. Polis huntu ku Forensys a keda enkargá ku e aksidente.