Krusada na De Savaan unda aksidente a tuma lugá.

Willemstad— Krusada Helmin Wiels Boulevard i Weg Naar Bullenbaai tabata senario pa un aksidente entre di un vehíkulo polisial i un outo di famia.

Pasamentu den lus kora ta e kousa ku di e aksidente ku e tuma lugá entre di un outo di famia i un vehíkulo polisial net na e lusnan di trafiko na de Savaan. Tabatin daño material konsiderabel na ámbos vehíkulo.  A pidi presensia di ambulans na e sitio ya ku un okupante di e outo di famia mester a sufri leshon  pa kual mester a haña asistensia.  Forensys i tambe polis di e departamentu di trafiko mester a bai na e sitio pa asina por a hasi mas investigashon pa saka afó ken a pasa den lus kora ku a kousa e aksidente.