Durante 2023, 186 hende muhé a keda asesiná na Venezuela, sea pa un pareha òf miembro di famia.

CARACAS – Den oranan di ayera, e gobièrnu di Venezuela a anunsiá, ku pa próksimo aña lo fortalesé un programa sosial enfoká, entre otro punto nan, den e eliminashon di violensia kontra muhé nan na e pais i den su apoyo ekonómiko i sosial.

Den un balanse di e asina denominá “Gran Mision Venezuela Mujer”, un programa sosial kreá pa e mandatario Nicolas Maduro na luna di òktober tras di lomba, pa brinda apoyo na venezolanonan, e visepresidente Delcy Rodriguez a sigurá ku e trabounan pa garantisá un bia liber di violensia lo ta un impulso importante den yanüari di 2024.

E funshonario, segun video nan publiká riba nan kuenta nan di medio nan sosial, a sigurá ku ta trata aki di un di e seis punto nan ku ta forma e mishon aki i ku tambe ta buskando forma di alkansá igualdat i garantisá e akseso na hustisia oportuno.

Di otro banda, Rodriguez, kende a liderá un reunion ku otro outoridatnan, a indiká ku nan ta prepará pa próksimo aña, e kreashon di un federashon enfoká den subi e partisipashon di hende muhé den diferente área di e pais.

Dia 25 di novèmber tras di lomba, e kabesante di Estado a pidi pa kombertí esaki den un kousa propio di lucha pa rèspèt  pa hende muhé, propósito di e momentu ei pa e Dia Internashonal di Eliminashon di Violensia kontra hende muhé, kua ta eksigí pa kumpli ku e lei nan ku ta defendé damanan.

Na Venezuela, un total di 186 hende muhé a keda asesiná entre luna di yanüari i novèmber di e aña aki, kasi tur na man di nan pareha òf famia nan. Esaki segun registro nan di e organisashon no gubernamental Utopix.