Colombia i Venezuela ta kompartí e mesun puesto riba e ranking.

CARACAS/BOGOTA – Venezuela i Colombia ta okupá e puesto 140 riba ranking inseguridat, desaroyá pa e Instituto pa Ekonomia i Pas, ku ta midi paisnan mas insigur na mundu. E dos nashonnan suramerikano aki ta ubiká den e region komo e mayor sifranan kòrá, tras di Brasil, Guyana, Perú, Ecuador, Bolivia, Paraguay, Chile, Argentina i Uruguay.

E resultado di esaki, di e aña aki, ta mustra ku e nivel promedio di pas global a deteriorá ku un 0.42%.

Islandia
Na nivel mundial, e análisis ta reflehá ku Islandia ta sigui komo e pais mas pasífiko na nivel mundial, un posishon ku nan ta okupá for di 2008. Esaki ta huntu den e top, ku Irlanda, Dinamarka, New Zeand i Oustralia.

Afganistan ta e pais ménos pasífiko di e ranking pa e di ocho aña konsekutivo, siguí pa Yemen, Siria, Sudan del Sur i Repúblika Demokrátiko di Congo.

E instituto a indiká ademas ku e guera na Ukrania, provoká pa Rusia, tabatin un impakto signifikativo den pas global, ku Ukrania i Rusia, komo e pió deterioro di pas.

Haiti, Mali i Israel tabata otro di e paisnan ku mayor deterioro. I esun ku tabatin mehoria tabata Libia pa e segundo aña konsekutivo.

Oropa ademas a keda komo e region mas pasífiko di mundu, ku 7 di e 10 paisnan mas pasífiko na mundu.

Deterioro na Sur Amérika
E estudio aki ademas ta indiká ku Sur Amerika ta eksperimentá un deterioro di pas den e aña 2023 aki, debí na e empeoramentu di e Konflikto Kontinuo i Seguridat i Protekshon.

Esaki a indiká ku Sur Amérika ta e di sinku mas pasífiko en general. Den e region, Uruguay ta sigui komo e pais mas pasífiko pa di kuater aña konsekutivo.