Parti di loke nan ku a keda publiká pa militarnan venezolano.

CARACAS – Militarnan di Venezuela a konstruí un pista di aterisahe den un zona di e estado Bolívar, fronteriso ku Brasil, ku tabata sirbi pa e desaroyo integral di Esequibo, un teritorio di kasi 160.000 kilometer den disputa ku Guyana.

Usando e nòmber ; “Esequibo ta tera venezolano”, e militarnan a publiká un video den kua por opservá trahadó nan ehekutando trabounan den e zona ku nan ta denominá “Aéreo di desaroyo Integral La Camorra”.

Den e video por skucha un militar, identifiká komo koronel Juan Gutierrez Ortiz, splika ku e ta na La Camorra, den konstrukshon di un pista di aterisahe ku lo sirbi komo punto di apoyo pa e desaroyo integral di Esequibo.

Hernandez Larez, no a ofresé mas detaye di e pista, e uso ku e lo tin òf e fecha ku e ta kalkulá ku trabounan lo kulminá.

Den oranan di djaluna, a informá di un referendum konsultativo promové pa Asamblea Nashonal, relasjoná ku disputa teritorial ku Guyana tin pa e teritorio ubiká na Oeste di e riu Esequibo.

Den un konsulta, planiá pa dia 3 di dezèmber, Venezuela lo puntra siudadano nan pa e posibilidat di krea un estado pa aneksioná Huayana di Esequiba.

Ademas lo konsultá venezolano pa wak si nan ta rechasá e liña komponé froudulentamente pa Paris na 1899, den kua Guyana ta sustentá su reklamo i lo buska di legitimá e defensa di e Akuerdo di Ginebra, kua ta e mekanismo ku ta balidá Venezuela pa resolvé e problema.

Segun e Akuerdo di Ginebra, ta kontemplá ku e parti nan mester resolvé di forma satisfaktorio, práktika i amistoso, e kontroversia teritorial.

E referendum a keda rechasá pa e gobièrnu di Guyana, ku ta konsiderá ku e akshonnan di Venezuela pa aneksioná di e region Esequibo, tin e potensial di inisiá violensia i di menasá pas. Esaki na mesun momentu ku a indiká di lo defendé su integridat teritorial.

Dia 19 di òktober, e gobièrnu guyanes a informá ku lo solisitá un splikashon na e embahador venezolano na Georgetown, Carlos Amador Perez Silva, relashoná ku oumento di e aktividatnan militar serka e frontera komun.

E Guayana Esequiba, riku den rekursonan natural i mineral, tabata e sentro di un problema entre ámbos partinan, ku awor ta den un episodio di tenshon despues ku Korte Internashonal di Hustisia a deklará su mes importante pa disidí relashoná ku esaki, algu ku Venezuela ta rechasá.