Amichai Eliyahu, minister di Patromonio israelí.

CARACAS – E gobièrnu di Venezuela a repudiá e deklarashonnan di e minister israelí di Patrimonio, Amichai Eliyahu, relashoná ku e posibilidat di un atake nuklear kontra Gaza, unda mas di 9.700 persona a pèrdè nan bida pa bombardeo di Israel for di inisio di guera ki e grupo islamita di Hamas un luna pasá.

Den un komunikado, e ehekutivo venezolano a ekspresá su repudio i rechaso pa e deklarashonnan di un minister di Estado di Israel, kende a menasá humanidat kompletu, anunsiando e posibilidat di rekurí na un atake nuklear kontra e poblashon indefenso di Gaza.

Segun a keda indiká pa The Times of Israel, Eliyahu, minister di e partido Poder Hudiu, a keda puntrá den un programa di radio relashoná ku si mester lansa un bòm atómiko, na kua el a kontestá ku esaki ta un di e posibilidatnan.

Na huisio di Venezuela, e deklarashonnan aki ta un violashon grave na tur e akuerdonan internashonal i un demostrashon di ku e Estado di Israel a degenerá den un menasa pa bida di planeta, pa kua ta konsiderá ku mundu kompletu mester reakshoná. Esaki konsiderando ku mundu mester para e akshonnan aki.

Venezuela a hasi un yamada na e órgano nan di e sistema di Nashonnan Uní, konsiderando ku mester konstituí di inmediato un tribunal internashonal ku por husga krímennan di guera i menasanan, sin ningun bèrgwensa, ta keda mandá.

E deklarashonnan di Eliyahu, konosí pa su postura nan ultra, komo su propuesta uni Israel i e teritorio okupá pa Cisjordania, a obligá e promé minister israelí, Benjamin Netanyahu pa desoutoris’é inmediatamente.

E promé minister a insistí ku Ehérsito ta aktuando segun e standart nan di mas haltu di derechi internashonal pa evitá daño na personanan no involukrá, i a agregá ademas ku lo kontinuá hasiendo esaki te ora logra viktoria.

Israel ta den un guera kontra e grupo Hamas for di momentu ku e grupo armá di e organisashon aki a penetrá dia 7 di òktober último, un atake kontra Israel ku a laga mas di 1.400 morto, 5.300 herido i 241 persona sekuestrá na Gaza.

E militar ofensivo di Israel riba e palestino nan, di su banda a laga 9.770 morto, di kua 4.008 tabata menornan di edat i mas di 24.000 herido. Esaki segun e Ministerio di Sanidat.