Ostpunt– Fondo di penshun Vidanova ta konfirmá ku resientemente el a kumpra e parti mas pa suit di e terenonan na Ostpunt, ku for di 1868 ta den man di famia Maal. Ta trata aki di un pida tereno di alrededor di 1000 hèktar.

En bista di e embergadura di e área, e kompra aki ta brinda un oportunidat úniko pa durante bastante aña garantisá un desaroyo ekonómiko i sosial fuerte, i responsablemente duradero. No solamente e desaroyo ei lo benefisiá e partisipantenan na e Fondo di penshun, pero tambe henter komunidat di Kòrsou.

Na e momento aki i den e fase aki Vidanova ta limitá na e anunsio breve aki, pero na su debido tempu lo divulgá mas informashon di e plannan ku awor nan por sigui traha ariba.