Aruba—-Den ora nan di mardugá, sistema nan di detenshon a tuma nota di un kontakto den direkshon di Aruba.
Un ‘Metal Shark’ di Wardakosta ku asistensia di Kuerpo Polisial di Aruba (KPA) su helikòpter, a dirigí nan mes pa asina interseptá e boto (tipo ‘yola’). Ta trata di 11 hende hòmber Venezolano i un (1) hende hòmber Kolombiano (12 persona total). Abordo di e lancha a tuma nota di diferente pakete (investigashon ta tumando lugá pa determiná e kontenido) ku mas di 600 kilo. E 12 persona nan a ser entrega na KPA. E lancha ku nan a nabegá riba dje a senk eventualmente.