DEN OEVER—E yate ku 10 refugiado ku a keda interseptá siman pasá riba Noordzee, posiblemente a sali for di haf Den Oever.

Esaki segun informashon di NH Nieuws. E yate a keda interseptá komienso di desèmber 55 kilometer for di kosta norte durante un vuelo di patruya di Wardakosta. Mesora un boto di wardakosta a keda dirigí pa e yate. Na bordo nan a haña dos tripulante hulandes (39, 29). Un di nan ta biba na Den Helder, e otro sin adrès fihó. Ku permit di e tripulantenan a habri un kamber riba e yate kaminda a haña e refugiadonan, Ta trata di albanesnan i vietnamesnan segun media. Posiblemente nan tabata riba kaminda pa Inglatera. Wardakosta a guia e yate pa IJmuiden kaminda a entregá e refugiadonan na marechaussee. Nan lo drenta e trayekto di imigrashon. Outoridatnan a detené e hombernan hulandes riba sospecho di trafikashon di hende. Loke Wardakosta a haña riba e yate ta imagennan komun den Oropa ku ta sosode tambe riba Noordzee, un delito serio ku nos lo sigui investigá, segun fiskal Anne de Leeuw, ku ta atende kasonan di trafikashon di hende. OM a konfiská e yate.