BRASIL,—-Di informashon ku Vigilante Farándula a haña direktamente for di Brasil, ta duna di konosé ku e hóben kantante i alabes produktor “YDK”,Tyzik “Ziko”Lispies, ta trahando riba algun produkshon na Brasil.

Ta asina ku “Ziko”, manera ku e ta ser yamá den mundu di farándula, no ta un deskonosí, ta asina ku “Ziko”, ta yu di e legendario kantante Elton Lispier i e ta primu di e gran kantante femenino Liesje Lispier. Mas aleu mester bisa ku “Ziko”, ta forma parti di agrupashon musikal “NASTYPLAY”.

Pero banda di esei “Ziko”,ta un gran kompositor i e ta produsí pa diferente kantante, esaki mes ta loke ku ta pasando na Brasil. For di Brasil Vigilante Farándula a keda poné na altura ku “Ziko”, ta moviendo den gran forma na Brasil i ku asta tin firmamentu ku a tuma lugá kaminda ku un empresa ku ta representá músiko nan grandi na Brasil. 

Vigilante Farándula, a drenta den kontakto ku e artista “YDK”. Ta asina ku “Ziko”, a kontestá su telefon, kaminda ku e la duna di konosé ku,”Mi ke bo despensámi, pero awor aki mi no por papia ku bo, paso mi ta den un reunion i tambe mi ta okupá ku algun proyekto, pero manera ku bira mas trankil mi ta drenta den kontakto ku bo”. Pa otro siman “Ziko”,mester ta na Kòrsou, paso djasabra e tin un presentashon grandi ku agrupashon musikal “NASTYPLAY”.