Te ainda no sa nada di e mama i e yu.

PORT-AU-PRINCE – Te ainda no tin ningun señal di e zùster estadounidense i su yu hòmber ku a keda sekuestrá durante fin di siman tras di lomba na Haiti.

E zùster a keda identifiká komo Alix Dorsainvil, kende tabata traha den instalashon nan di un grupo religioso serka di Port-Au-Prince, ora el a keda sekuestrá.

E organisashon ta deskribí Dorsainvil komo un persona profundamente kompasivo i amoroso, kende ta konsiderá Haiti su kas.

Esaki ta kasá ku e direktor di Roi Haiti, Sandro Dorsainvil, kende a krese na Port-Au-Prince.

Pa ku e situashon aki, e Departamento di Estado di Estádos Unídos ta den kontakto di forma regular ku outoridat nan haitiano. Esaki pa asina intentá ku e zùster i su yu por bolbe bèk kas.

E sekuestro a keda produsí algun dia despues ku e departamento di Estado a emití un alerta di biahe, pa pidi suidadano nan estadounidense pa no biaha pa Haiti. Esaki debí na e rísiko grandi di sekuestro, kriminalidat i mal infrastruktura di Haiti.

E departamento di estado a emití den oranan di djaweps, un alerta di nivel 4, esun mas haltu ku ta eksistí.

Ademas, Estádos Unídos a ordená salida di famia nan i tahadónan di nan gobièrnu i di esun kan ku ta traha na embahada i no ta kumpli ku labor nan di emergensia.

Ya pa algun aña kaba, tin un krísis sosial, polítiko i ekonómiko ku kada biaha a bira pió despues di asesinato di Jovenel Moise na yüli 2021.

Haiti, e pais mas pober di Amérika, serka di 50% di e poblashon ta sufri inseguridat alimentisio i mitar di esaki nan ta biba den un pobresa.