Demensia na Kòrsou ta mustra ku tin 1 riba kada 10 persona riba 64 aña ku ta sufri di Alzheimer.

Willemstad, — Djabièrnè dia 10 novèmber último, den reunion di komishon sentral di parlamento, a deliberá enkuanto di kuido di hende grandi sikogeriátriko, huntu ku Defensor di Pueblo i representante di Raad van Ouderenbeleid.

Enfermedatnan sikogeriátriko ta un malesa prinsipal di demensia. Demensia na Kòrsou ta mustra ku tin 1 riba kada 10 persona riba 64 aña ta sufri di Alzheimer i tin 1 riba kada 3 persona riba 85 aña ku por sufri di Alzheimer. Tambe tin kantidat di personanan ku pa motibu di daño na nan seleber ku ta hañando demensia ta subiendo. Segun enkuesta Geheugenpoli 2020, tabatin 1500 persona registrá nèt promé ku Covid. Kada aña Fundashon Alzheimer ta risibí 250 pa 300 petishon pa yudansa. Esaki tabata splikashon segun sr. de Lannoy kende ta presidente di Raad van Ouderenbeleid.  

Sr. de Lannoy, presidente di Raad van Ouderenbeleid a menshoná ku enfermedatnan sikogeriátriko, ku ta un malesa prinsipal di demensia, tin diferente kousa: malesa di Alzheimer, kambionan vaskular i e malesa di Parkisnon, dañonan rekerí manera sla na kabes, i òf tambe dor di uzo di droga. Prinsipal den demensia ta lubidamentu, pero den kaso di demensia lubidamentu ta pone ku e persona grandi no sa ki dia awe ta, unda bo ta, nòmber kara di persona, i tambe e persona grandi ta dil ku kambio di karakter ku ta pone ku e no por kuida su kurpa mas.

Sr. de Lannoy a indiká ku tur hende por haña demensia i ku esaki ta afektá bienestar di otro persona tambe manera por ehèmpel famianan i sernan kerí. Sr. de Lannoy, presidente di Raad van Ouderenbeleid a menshoná ku Alzheimer ta e motibu di hopi maltrato i abuzu i ta esaki ta atkerí na reglanan i protokòl pa asina yuda kuida nos hende grandinan ku ta sufri di Alzheimer.