E temblor mas fuerte den e seri di temblornan registrá, tabata di 4.9 grado.

BOGOTA / QUITO – Un total di 13 bibienda a keda afektá pa un seri di temblornan registrá den oranan di djaluna tras di lomba na un sektor serkano na e frontera di Ecuador i Colombia. Esun mas potente entre esaki nan tabata un di magnitut 4.9, segun loke a keda informá pa e Sekretaria Nashonal di Gestion di Rísiko nan.

E entidat a informá den un komunikado ku e sektor nan afektá pa e temblornan aki ta diferente munisipio di Bolívar, na e provinsia andino di Carchi, i e bisiña di Sucumbios, na e provinsia amazóniko di e mesun nòmber.

Na Sucumbios a registrá un total di 13 bibienda afektá ku entre otro sker na murayanan, meskos ku tambe e palasio munisipal, La Bonita,kua ta na masoménos 300 meter di un karetera ku ta krusa na e sitio.

Na Bolívar, Carchi, outoridatnan a sa di registrá dos sentro di salú ku a resultá afektá. Esaki nan tambe aparentemente ku problemanan na muraya.

E Instituto Geofísiko di e skol Politékniko Nashonal a informá ku tabata na 17 minüt pasá di 10 ku a registrá e promé temblor, kua tabatin un magnitut di 4.9 i 15 minüt despues, otro temblor di 4.8.

Mas aleu a indiká ku ámbos temblornan, meskos ku otro tres réplika nan registrá, tabatin na episentro na e zona di e provinsia di Sucumbios, serka di e hurisdikshon di Carchi.

E temblornan aki tur a keda sintí na e provinsia andino di Carchi, Imbabura i Pichincha, meskos ku tambe e parti amazóniko di Napo, Orellana i Sucumbios, tur ubiká na e parti nort di e pais.

Ecuador i Colombia ta situá riba e asina yamá ‘Cinturon de Fuego del Pacifico’, zonanan ku ta rondoná oséano i unda ta registrá e 85% di e aktividatnan di temblor na nivel mundial.