Willemstad,– Dato disponibel a konkluí ku 13 mucha menor di edat a keda diskubrí di tabata tin arma di kandela den nan disposishon.

Segun informashon disponibel di Ministerio Públiko, 105 persona a wòrdu akusá den 2022 di tabata sea den posishon di un arma di kandela òf tabata tin bala skèrpi den nan disposishon. For di e sifranan ariba menshoná, 13 di e akusadonan ta mucha menor di edat. For di e 105 akusadonan, 87 persona ya a responsabilisá nan mes dilanti hues òf mester hasi esaki ainda. “Pa prevení kriminalidat bou di hóben, mester invertí den un programa efektivo di prevenshon di kriminalidat bou di hóben. Akinan mester papia tokante prevenshon integral. Ta asina ku Ministerio Públiko a traha huntu ku diferente partner den e kadena hurídiko pa den 2022 pa redusí kriminalidat bou di hóben”.  Na 2019 OM a firma un protokòl pa garantisá seguridat na skolnan, via di un kampaña hóben nan studiante  lo risibí informashon tokante droga, alkohòl, seksualidat. Mas aleu for di sifranan disponibel, por nota ku 32 hóben a keda akusá pa diferente echo penal den 2022.