Na un manera formal ta drenta skolnan i  eduká tokante di kultura.

Willemstad,– Muchanan i hóbennan ta haña edukashon formal di kultura na skol for di 4 pa 18 aña.  Minister Sithree a kompartí ku no por para dianan di selebrashon, pero si e por fortifiká e dianan manera entre otro dia di bandera i dia di emansipashon.

Riba e dianan aki tin ‘cultuur coaches’ ta drenta skolnan i eduká muchanan i hóbennan di e dianan aki. Huntu ku fundashon NAAM a traha riba dokumental den kual ta eduká muchanan di dia 30 di mei, minister di enseñansa ta splika. Ta drentando skolnan i lo keda hasi esaki pa asina ofresé mas edukashon tokante di kultura, minister di enseñansa ta splika.

Kultura ta forma parti di edukashon no formal i esaki ta kuminsá for di na kas. Despues ta sigui esaki na 0 pa 4 aña ora kuminsá pre-eskolar. Di 4 pa 18 aña tin programanan ku ta eduká muchanan tokante di kultura. Tin trahadónan pedagógiko ku ta keda entrená riba áreanan di edukashon, minister di enseñansa a duna di konosé. Tambe tin ‘cultuurcoaches’ ku ta bai e skolnan i eduká riba parti di kultura. Ora minister di enseñansa a kuminsá komo minister e a haña ku mester a fortifiká konosementu di kultura. 

Kada direktiva di skol ta skohe e método pa fortifiká edukashon kultural. Skolnan tin e dokumentonan ku e metanan ku ta duna direkshon pa edukashon kultural i e áreanan ku mester elaborá. Banda di esaki minister Sithree van Heydoorn ta bisa ku skolnan por hasi uzo di kontenido di sektor di kultura i deporte di OWCS basá riba fechanan memorabel. Banda di esaki e videonan kòrtiku ku NAAM a traha huntu ku manual,  a keda pone na disposishon di e  maestronan pa eduká e muchanan.

Fundashon NAAM ta un organisashon non-profit ku ta komprometé ku e konservashon i identifikashon di e herensha material i inmaterial di Boneiru, Kòrsou, St. Maarten, St. Eustatius i Saba den un perspektiva Karibense. E fundashon a kedá fundá na 1998 komo suksesor di e anterior AAINA (Instituto Arkeologiko-Antropologiko Antiano Hulandes).