Nieuwe Haven, — E akusado J.J.A di Colombia a presentá den korte ayera kaminda el a keda akusá ku dia 14 di novèmber aña pasa el a kore outo bou di influensia di alkohòl 845 M/g.

Hues ta splika ku polis a haña un melding ku den área di Rio Canario tin un djip ta kore di forma straño i iresponsabel riba karetera  i nèt na e momentu ei tabatin un polis ku tabata yenando gasolin i el a haña e melding i a topa e outo kaminda nan a pare i bai ku a bai kuné kaminda el a supla i a bin konstatá ku el a bebe 845 M/g kual ta mas o ménos 4 biaha mas ku e 222 M/g ku ta ser pèrmití pa por kore riba kamindanan públiko.

E akusado ta bisa ku ta promé biaha ku esaki a pasa kuné, paso e no sa bebe hopi asina ora ku e ta stür. E ta bisa ku el a bebe paso e tin problemanan emoshonal. E ta bisa ku e no tabatin amigu kaminda e tabata pa nan por a stür pe.

E ta bisa ku el a bebe mas o ménos 12 serbes, puro na polis el a deklará ku el a bini for di Santa Rosa i akinan e tabata na un panaderia huntu ku algun amigu, e ta bisa ku esaki tabata mas trempan. Tambe el a bisa polis ku el a bebe mas o ménos 6 Amstel Bright, pero despues el a pensa ku ta 12 i e no a kustumbrá bebe hopi asina.

E akusado ta bisa ku el a siña hopi for di e lokual a pasa i ku pa su persona kore outo bou di influensia ta algu totalmente robes. Polis a kita su reibeweis, pero dia 14 di e luna aki el a haña su reibeweis bek.

Fiskal:

Fiskal Mr. Hara a pidi pa kita su reibeweis pa e mesun periodo ku ya el a ser kita i tambe un but di 1700 florin.

Hues:

Hues a bisa ku e akusado mes a akseptá ku el a bebe i ku esaki tabata di mas i mr. Carmelia ta bisa ku esaki ta kastigabel pa lei i ta bai di akuerdo ku e kastigu ku Fiskal a pidi pues 1700 florin di but òf 35 dia den prison i pa kita su reibeweis pa e mesun temporada ku ya el a ser kita.